Tuesday, May 24, 2016

ഞാന്‍ ഇവളെ ആദ്യമായി കാണുന്നത് അവളുടെ തലമുടിയില്‍

 ഞാന്‍ ഇവളെ ആദ്യമായി കാണുന്നത് അവളുടെ തലമുടിയില്‍ ചൂടിയിട്ടായിരുന്നു.. എന്റെ ഓഫീസിലെ മധ്യവയസ്കയായിരുന്ന ജീവനക്കാരി ഇത് ചൂടി വരുമായിരുന്നു. ഉച്ചവരെ എനിക്ക് ഇവളുടെ പരിമളം ഇഷ്ടമായിരുന്നു.

ജീവനക്കാരി ലഞ്ച് കഴിച്ചുവന്നാല്‍ ഇവളുടെ പരിമളത്തിന്  മങ്ങലേല്‍ക്കും, എനിക്ക് തലവേദനയും.. എന്നാലും കാലത്ത് ഞാന്‍ അവള്‍ വരുന്നത് നോക്കി നില്‍ക്കും. ഹാ......... ആ പരിമളം പറഞ്ഞറിയിക്കുവാന്‍ വയ്യ.

അങ്ങിനെ ഒരു കൊല്ലം കഴിയുന്നതിന് മുന്‍പ് ആ ജീവനക്കാരി അത് ചൂടുന്നത് നിര്‍ത്തി... എന്താണ് കാര്യമെന്ന് തിരക്കിയപ്പോള്‍ അവള്‍ പറഞ്ഞ കഥ വളരെ വിചിത്രം.

ഒമാന്‍ പാറുകുട്ടിയോട് പറയാം ആ കഥ, അവള്‍ അവളുടെ ബ്ലോഗില്‍ എഴുതട്ടെ... അവള്‍ക്കിപ്പോള്‍ വിഷയ ദാരിദ്ര്യം ഉണ്ടത്രേ..?!!

NB:   എഴുതിക്കൊണ്ടിരിക്കുമ്പോള്‍ ഞാന്‍ ഈ സുഗന്ധം പരത്തുന്ന പുഷ്പത്തിന്റെ പേര് മറന്നു.

Friday, May 6, 2016

ഇനി മിണ്ടിപ്പോകരുത്

എന്നോട് സുഹൃത്ത് ചന്ദ്രമോഹന്‍ പറഞ്ഞു, ഇനി എന്റെ സുഖമില്ലായ്മയെ പറ്റി ഇവിടെ എഴുതാന്‍ പാടില്ലായെന്ന് എന്നെ ഉപദേശിച്ചിരിക്കുന്നു. ഞാന്‍ അത് അനുസരിക്കുന്നു. വയ്യാണ്ടാകുമ്പോള്‍ ആരോടെങ്കിലും പറയുന്ന ഒരാളാണ് ഞാന്‍, ഇനി അതുണ്ടാവില്ല ഇവിടെ.

ഞാന്‍ വൈകീട്ട് നടക്കാന്‍ പോകുമ്പോള്‍ അദ്ദേഹത്തേയും ഞങ്ങളുടെ സമപ്രായക്കാരായ വിജയേട്ടനേയും വര്‍ഗ്ഗീസേട്ടനേയും കണ്ടുമുട്ടുക പതിവാണ്. പക്ഷെ അപ്പോളൊന്നും ഞാനെന്റെ പ്രശ്നങ്ങള്‍വിളമ്പാറില്ല.
നാട്ടിലാണെങ്കില്‍ അയല്‍ വക്കത്തെല്ലാം പോയിരിക്കാം, വര്‍ത്തമാനം പറയാം, വെടി പറയാം. ഇവിടെ പട്ടണത്തില്‍ അങ്ങിനെ ഒന്നും ഇല്ല. പിന്നെന്തിന് ഗ്രാമം ഉപേക്ഷീച്ച് പട്ടണത്തില്‍ താമസമാക്കി.
അതൊരു വലിയ കഥയാണ് , അത് പിന്നീട് പറയാം.

എന്നെ നോക്കുന്ന ഡോ.ബിന്ദു പറഞ്ഞു - പ്രാണായാം ചെയ്യാന്‍. പക്ഷെ അത് ഗുരുമുഖത്തുനിന്നും അഭ്യസിക്കണം. ഇന്നോ നാളേയോ ഗീത ചേച്ചിയെ കാണണം. ശിഷ്യപ്പെടണം.
വ്യാധികളുടെ ടെന്‍ഷന്‍ ഒഴിവാക്കാന്‍ ഒരു പരിധിവരെ പ്രാണായാമം ഉപകരിക്കുമെന്നാണ് ഡോക്ടര്‍ ബിന്ദുവിന്റെ കണ്ടെറതതല്‍.

മെട്രോ ഗാന്ധിനഗറില്‍ ആര്‍ക്കെങ്കിലും എന്നെ സഹായിക്കാന്‍ കഴിയുമോ എന്ന് ചന്ദ്രമോഹനനോട് ചോദിക്കണം. പണം കൊടുത്ത് അഭ്യസിക്കാന്‍ എനിക്ക് താല്പര്യമില്ല.. ഫ്രണ്ട് ലി ബേസിസില്‍ വേണം.
പണ്ട് കൂര്‍ക്കഞ്ചേരി അമ്പല പരിiസരത്ത് യോഗ ക്ലാസ്സിന് പോയിരുനു ഈവനിങ്ങ് ബേച്ചില്‍. ഇപ്പോള്‍ അവിടെ സീനിയര്‍ സിറ്റിസണുകള്‍ക്ക് പ്രവേശനമില്ല. അതൊരു നഷ്ടമായി.. സ്വരാജ് റൌണ്ടില്‍ ഒരു ആസ്ഥാനം ഉണ്ട്, പക്ഷെ അവിടെ സയ്യാര പാര്‍ക്ക് ചെയ്യാനുള്ള സ്ഥല്ലമില്ല...

പ്രാണായാമം അഭ്യസിക്കാന്‍ ഒന്നോ രണ്ടോ മണിക്കൂര്‍ മതി. കൂര്‍ക്കഞ്ചേരി, കൊക്കാല, കണിമംഗലം, കണ്ണന്‍ കുളങ്ങര പരിസരത്തില്‍ ആരെങ്കിലും ഉണ്ടെങ്കില്‍ പറയൂ...

Tuesday, March 29, 2016

പോഞ്ഞിക്കരയിലെ അന്തിക്കള്ള്

എനിക്കിപ്പോള്‍ വയസ്സ് 70 കഴിഞ്ഞെന്ന് തോന്നുന്നു. പഴയ കൂട്ടുകാരെ കാണാന്‍ തോന്നുന്നു. അങ്ങിനെ ഇന്ന് എന്റെ ഒരു ഓള്‍ഡ് ഫ്രാണ്ടിനെ കാണാന്‍ തോന്നി. 

ഞങ്ങള്‍ പണ്ട് 1966 ല്‍ എറണാംകുളം കലക്കി മറിച്ചിരുന്ന്ന കാലം... രാജു എന്ന തോമസ് ഫിയറ്റ് കമ്പനിയിലും ഞാന്‍ ബ്ലോപ്ലാസ്റ്റ് ഡീലര്‍ഷിപ്പിലും.. ഞാന്‍ ശ്രീധര്‍ ലോഡ്ജിലാണെന്ന് തോന്നുന്നു താമസം. പേരൊക്കെ മറന്നു. രാജു പത്മക്ക് എതിര്‍വശത്തും. 

വൈകീട്ട് പണി കഴിഞ്ഞാല്‍ ചില സായാഹ്നങ്ങള്‍ പോഞ്ഞിക്കരയിലെ അന്തിക്കള്ള് കുടിക്കാന്‍ ഞങ്ങള്‍ ഹൈക്കോര്‍ട്ട് ജട്ടിയില്‍ നിന്നാണെന്ന് തോന്നുന്നു സ്പെഷല്‍ വള്ളം പിടിക്കും.. എനിക്ക് 3 കുടം കുടിച്ചാല്‍ വീല്‍ ആകുമായിരുന്നു. രാജുവിന് 6 എണ്ണം മിനിമം വേണം.... 

പിന്നെ അത് കഴിഞ്ഞ് എറണാംകുളം പത്മ കഫേയിലാണ് ഫുഡ് പറ്റ് , അവിടെ നിന്ന് വയറുനിറയെ ശാപ്പിടും. എന്നിട്ട് സെക്കന്‍ഡ് ഷോക്ക് ബ്രോഡ് വേയിലെ ശ്രീധര്‍ തിയേറ്ററില്‍ പോകും. ചിലപ്പോള്‍ സുബാഷ് പാര്‍ക്കില്‍ ചെത്തി നടക്കും. 

ഹാ... എത്ര സുന്ദരമായിരുന്നു ആ കാലം.